15-25-nji iýul günleri Özbegistanyň Daşkent şäherinde Agyr atletika boýunça ýaşlaryň we ýetginjekleriň arasynda Aziýa çempionaty geçirildi. Guwandyryjy tarapy, bu abraýly ýaryşda türkmen türgenleri hem üstünlikli gatnaşdylar. Has takygy, ýetginjekleriň arasynda 64 kilograma çenli agram derejesinde ýurdumyza wekilçilik eden Medine Amanowa itekläp götermekde 85 kilogram, silterläp götermekde 104 kilogram, umumylykda 189 kilogram netije görkezip, üç ugur boýunça hem altyn medala mynasyp boldy. Şeýle-de ýetginjek oglanlaryň arasyndaky bäsleşiklerde ildeşimiz Saparly Muhyýew hem itekläp götermekde 135 kilogram, silterläp götermekde 165 kilogram, umumylykda 300 kilogram netije bilen altyn medal gazandy.

Türkmen türgenleriniň yklymyň birinjiliginde gazanan üstünlikleri ýurdumyzda sporta berilýän ünsüň ýokarydygyna şaýatlyk edýär. Biz hem geljekde-de türkmen türgenleriniň şeýle ýeňişleriniň dowamly bolmagyny arzuw edýäris.