Mýunheniň «Bawariýa» klubynyň hüjümçisi topardaşlary bilen hoşlaşdy. Ol üç günlük gijikmelerinden soňra, şu gün toparyň türgenleşiklerine wagtynda gelipdir we ýoldaşlary bilen hoşlaşypdyr. Bu barada žurnalist Kristian Falk öz sosial hasabynda habar berdi.

Mundan ozal ýakyn wagtda Lewandowskiniň «Bawariýa»-syndan «Barselona» geçjekdigi barada habarlar ýaýrapdy. Mälim bolşuna görä, taraplar oýunçynyň transferi babatda ylalaşyga gelipdirler. Polşaly hüjümçiniň katalon topary bilen 2025-nji ýyla çenli şertnama baglaşmagyna, şeýle-de «Barselona»-nyň transfer üçin mýunhenlilere 50 million ýewro tölemegine garaşylýar.