«Türkmenistan» gazeti Mary welaýatynyň Garagum, Türkmengala, Sakarçäge, Baýramaly etraplarynyň gowaçaly meýdanlarynda ilkinji ak hanalaryň açylyp başlandygyny buşlady.

Bu hasyl ýylynda welaýatyň pagtaçy kärendeçileri 165 müň gektara gowaçanyň «Ýolöten — 7», «Ýolöten — 14», «Ýolöten — 39», «Jeýhun» ýaly görnüşlerini ekdiler.

Mineral dökünlerden hem-de siňňitli suwdan ýeterlik paýyny alan gowaçalar häzirki wagtda hasylyny günsaýyn artdyrýar. Bereket buşlukçysy bolan gözüňi dokundyrýan ilkinji ak hanalar bolsa daýhan azabynyň ýerine düşendiginden habar berýär.