Awstraliýanyň iň garry raýaty Frank Mouwer koronawirus bilen keselländen soň,  110 ýaşynda aradan çykdy.

Mouwer 1912-nji ýylda doglan. Ol  alty çagaly, 13 agtykly, 21 çowlukly we 2 ýuwlukly adamdy.

Mouwer Awstraliýanyň iň garry adamsy diýen ada, 111 ýaşan Dekster Krýuger aradan çykandan soň, 2021-nji ýylyň iýulynda eýe bolupdy.

Ýeri gelende aýtmaly bolsa, 2022-nji ýylyň 18-nji ýanwarynda Leonda (Ispaniýa), Ginnesiň rekordlar kitabyna girizilen, dünýäniň iň garry erkek kişisi Saturnino de la Fuento Garsiýa aradan çykypdy, şonda ol  112 ýaşynda eken.

Bu barada ABC teleýaýlymy habar berýär.