Bu barada Täjigistanyň ulag ministri Azim Ibrohim 24-nji iýulda geçirilen metbugat brifinginde mälim etdi. Ministriň aýtmagyna görä, ýurduň demir ýol parkynyň düzümini döwrebaplaşdyrmak üçin 1000 sany wagon we ýene 2-3 sany lokomotiw satyn almak zerur. Ol munuň sebäbini ýurduň demir ýol edarasynyň ygtyýaryndaky lokomotiwleriň, ýük we ýolagçy wagonlarynyň könelendigi bilen düşündirdi.

Ýeri gelende bellesek, häzirki wagtda Täjigistanyň demir ýol edarasynyň düzüminde ýük wagonlarynyň 1 müň 471 sanysy, ýolagçy wagonlarynyň 300 sanysy hem-de 44 sany lokomotiw bar.

Taýýarlan: Şadyýan AŞYRALYÝEW, TDMG-niň harby gullukçysy, maýor.

Çarşenbe güni, 24-nji iýulda, birža söwdalarynda daşarky bazarda Birleşen Arap Emirlikleriniň işewüleri "Türkmennebit" Döwlet Konserninden az kükürtli ýakyş mazudy satyn almak barada geleşik baglaşdylar. Söwdalaşyklaryň barşynda jemi 25 935 000,00 ABŞ dollaryna deň bolan 1 geleşik baglaşyldy.

Duşenbe güni, 22-nji iýulda, birža söwdalarynda daşarky bazarda Birleşen Arap Emirlikleriniň işewürleri "Türkmennebit" Döwlet Konserninden “L-0,5-62” kysymly dizel ýangyjyny, Ukraýinaly hem-de Gyrgyzystanly işewürler ýerli hususy kärhanasyndan düz boýalan we žakkard sütükli önümleri satyn almak barada geleşik baglaşdylar. Içerki bazarda ýerli işewürler "Türkmennebit" Döwlet Konserninden “TPP D 30 S” kysymly polipropileni we Türkmenistanyň senagat we gurluşyk önümçiligi ministrliginden düz aýnany satyn almak barada geleşik baglaşdylar. Söwdalaşyklaryň barşynda jemi 3 995 000,00 manada we 4 168 700,00 ABŞ dollaryna deň bolan 6 geleşik baglaşyldy.

Şenbe güni, 20-nji iýulda, birža söwdalarynda daşarky bazarda Gyrgyzystan döwletiniň işewürleri ýerli hususy kärhanasyndan kültem görnüşli pamygy satyn almak barada geleşik baglaşdylar. Içerki bazarda ýerli işewürler "Türkmennebit" Döwlet Konserninden “TPP D 30 S” kysymly polipropileni we türkmen el halysyny satyn almak barada geleşik baglaşdylar. Söwdalaşyklaryň barşynda jemi 2 007 233,41 manada we 127 132,80 ABŞ dollaryna deň bolan 3 geleşik baglaşyldy.

Anna güni, 19-njy iýulda, birža söwdalarynda daşarky bazarda Türkiýe we Owganystan döwletiniň işewürleri "Türkmenhimiýa" Döwlet Konserninden “B” kysymly karbamidi satyn almak barada geleşik baglaşdylar. Söwdalaşyklaryň barşynda jemi 6 482 000,00 ABŞ dollaryna deň bolan 8 geleşik baglaşyldy.