«Finder» seljerme merkezi tarapyndan kriptowalýuta bilen meşgullanýan abraýly ýolbaşçylaryň 40-synyň arasynda geçirilen pikir soraşmasy olaryň bitkoiniň bahasynyň 2030-njy ýyla çenli ýokarlamagyny dowam etdirjekdigini çaklaýandyklaryny ýüze çykardy.

Has takygy, aglaba ýolbaşçylaryň çaklamalaryna görä, 2024-nji ýylyň ahyrynda bitkoiniň bahasy 77 müň 423 amerikan dollaryna çenli gymmatlar. Pikirini aýdanlaryň käbiri ýylyň ahyryna çenli bitkoiniň bahasynyň 80 — 90 müň amerikan dollaryna çenli ýokarlanjakdygyny çaklan bolsalar, käbir hünärmenler ýylyň ahyrynda iň pes bahanyň 35 — 40 müň amerikan dollaryndan pese gaçmajakdygyny nygtaýarlar.

Pikir soraşma gatnaşan ýolbaşçylaryň 78 göterimi ýakyn 12 aýyň içinde bitkoiniň bahasynyň ozalky rekorddan (69 müň amerikan dollary) ýokary geçjekdigine ynam bildirdi.