Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Akdepe etrap geňeşiniň, Akdepe etrap Andalyp alyjylar jemgyýetiniň işgärleriniň hem-de ýaş tekekeçileriň gatnaşmaklarynda telekeçilik ulgamynda zähmet çekýän ýaşlaryň arasynda önümçilik hünärlerini we ýurdumyzda telekeçilik işini ösdürmek maksady bilen, söhbetdeşlik çäresi geçirildi.

Bu çärede ýerli jemgyýetçilik guramalarynyň wekilleri hem-de Akdepe etrap Andalyp alyjylar jemgyýetiniň işgärleri çykyş etdiler. Çykyşlarda ýurdumyzda telekeçiligi ösdürmeklige, ýaşlaryň özbaşdak işlerini guramaga, kiçi we orta tekeleçiligi ýola goýmaga döredilýän mümkinçilikler dogrusynda giňişleýin gürrüň edildi.

Jemgyýetçilik duşuşygynyň ahyrynda çärä gatnaşanlar Gahryman Arkadagymyzyň, Arkadagly Gahryman Serdarymyzyň ýurdumyzda kiçi we orta telekeçiligi ösdürmek babatda döredip berýän şertlerine özleriniň hoşallygyny bildirdiler hem-de Milli Liderimiziň, Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň hemişe rowaçlyklara ýar bolmagyny arzuw etdiler.

Şamyrat NAZAROW,

TMÝG-niň Daşoguz welaýatynyň

Akdepe etrap geňeşiniň guramaçylyk

bölüminiň sanly ulgam boýunça

esasy hünärmeni.