Ýewropa Bileleşigi 2040-njy ýyla çenli atmosfera bölünip çykarylýan parnik gazlarynyň mukdaryny 90 göterim azaltmagy maksat edinýär. Bu gaýtadan dikeldilýän energiýa çeşmeleriniň hem-de atom energetikasynyň giňden ornaşdyrylmagy arkaly amala aşyrylar diýlip garaşylýar.

2040-njy ýyla çenli bolan täze maksatnama Ýewropanyň energetika bazaryny düýpgöter üýtgeder. Kömrüň ulanylyşy tapgyrlaýyn bes ediler, gazylyp alynýan ýangyjyň umumy ulanylyşy 80 göterim azalar. Olaryň ornuny tutmak üçin Gün, ýel we atom elektrik stansiýalary dörediler.