Türkmenistanyň Dokma senagaty ministrliginiň Kaka etrabyndaky dokma toplumynda geçen ýylyň degişli meýilnamasy boýunça 125 million 472 müň 263 manatlyk önüm öndürildi.

18 gektar meýdany eýeleýän bu toplumyň ösüş depgini 2022-nji ýyl bilen deňeşdirilende, 116,4 göterime barabar boldy. Toplumda ýüplük önümçiligi, boýag işlerini, mata taýýarlamagy şeýle hem tikin işlerini alyp barýan bölümler hereket edýär. Şeýle-de bu kärhanada halkyň islegli harytlarynyň birine öwrülen «Jeýtun» haryt nyşanly önümleriň öndürilýändigini bellemek gerek.